- En venta!
LIBRARÍA DIXITAL DA USC
Stephen Hawking: Unha breve historia do tempo
- Autor/a
- Hawking, Stephen
- Prologuista
- Edelstein, José
- Mira, Jorge
- Traductor/a
- Mira, Jorge
Os clásicos —da literatura e a ciencia, da pintura, da
música...— provocan tan intensa sensación de inexorabilidade, tal
certeza de que tarde ou cedo serían escritos, pintados ou compostos,
que un mundo sen eles resulta inconcibible. É coma se sempre
existisen. Malia recoñecerlles unha data de nacemento, persiste a
sospeita de que xa estaban alí e os seus creadores apenas se
limitaron a escribir, pintar ou compoñer sobre trazos preexistentes.
Rozan cotas de perfección que as fan case inhumanas e constitúen
puntos de inflexión na historia da cultura que xeran novos
paradigma. Este é o caso d’Unha breve historia do tempo, unha obra
fundacional, que semella non beber de fonte algunha nin estar
contaminada pola influencia de textos anteriores; unha obra na que
Stephen Hawking senta as bases do que habería de ser a divulgación
científica para centos de libros posteriores, tanto polo estilo e a
ousadía de escribir nunha linguaxe accesible sobre conceptos moi
abstractos da física de fronteira como polo sinal que deixou sobre
moitos outros físicos profesionais. Ninguén mellor ca Hawking para
afrontar o desafío de escribir a maior e máis enigmática das
biografías: a do Universo observable; do nacemento, o devir e a morte
do espazo-tempo. Lonxe de facelo como un historiador fóra de escena,
que coñece todos os detalles e se limita a expoñelos con
erudición, Hawking detense fronte ás preguntas máis perentorias e
difíciles, debullándoas con profunda intelixencia e xuvenil
desenvoltura: como naceu o tempo? Por que o Universo ten estrutura?
Que ocorre con aquilo que cae nos buratos negros? No ano do
falecemento de Hawking, a colección «Clásicos do Pensamento
Universal» enriquécese incorporando á lingua galega un dos textos
fundamentais da ciencia de todos os tempos, que foi, ademais, un dos
célebres best-sellers do século xx.
Ficha Técnica
- Edición
- 1
- Cidade de publicación
- Santiago de Compostela
- Editorial
- Universidade de Santiago de Compostela. Servizo de Publicacións e Intercambio Científico
- Ano publicación
- 2018
- Nº de paxinas
- 296
- Serie
- Clásicos do pensamento universal
- ISBN
- 9788416954926
- Dispoñibilidade
- Si
Os clásicos —da literatura e a ciencia, da pintura, da
música...— provocan tan intensa sensación de inexorabilidade, tal
certeza de que tarde ou cedo serían escritos, pintados ou compostos,
que un mundo sen eles resulta inconcibible. É coma se sempre
existisen. Malia recoñecerlles unha data de nacemento, persiste a
sospeita de que xa estaban alí e os seus creadores apenas se
limitaron a escribir, pintar ou compoñer sobre trazos preexistentes.
Rozan cotas de perfección que as fan case inhumanas e constitúen
puntos de inflexión na historia da cultura que xeran novos
paradigma. Este é o caso d’Unha breve historia do tempo, unha obra
fundacional, que semella non beber de fonte algunha nin estar
contaminada pola influencia ...